- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Воранаўскі раён. Акцыя «За бяспеку разам!»
Завяршылася прафілактычная акцыя «За бяспеку разам!», мэта якой - не толькі знізіць колькасць пажараў, якія адбываюцца па прычыне невыканання грамадзянамі правілаў бяспекі ў жылых дамах, але і павысіць інфармаванасць насельніцтва аб магчымасцях дзяржаўных арганізацый па аказанні паслуг у сферы забеспячэння пажарнай бяспекі, а таксама ўмацаванне правапарадку, папярэджанне правапарушэнняў, якія здзяйсняюцца ў стане алкагольнага ап'янення.
У Пераганцаўскім сельсавеце Воранаўскага раёна работнікамі аддзела па надзвычайных сітуацыях быў арганізаваны рэйд са СМІ і прадстаўнікамі суб'ектаў прафілактыкі, падчас якога жыхарам нагадалі патрабаванні бяспекі і магчымыя наступствы іх невыканання.
Падобныя рэйды асабліва карысныя грамадзянам, якія знаходзяцца ў «групе рызыкі». Інструктажы, праверкі супрацьпажарнага стану домаўладанняў, кантроль за ліквідацыяй парушэнняў і звычайная гутарка даюць пэўныя вынікі. Кожны візіт выратавальнікаў - гэта яшчэ адна магчымасць захаваць чые-небудзь жыццё і маёмасць, таму праца ў гэтым кірунку будзе працягвацца.
Дарэчы, на тэрыторыі Воранаўскага раёна сёлета адбылося 20 пажараў, большасці з якіх можна было пазбегнуць, выконваючы правілы бяспекі, якія прадыктаваныя самім жыццём.