- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Двое жыхароў Гальшан абавязаны жыццём суседцы і яе прыяцельнiцы
Днём 18 ліпеня дзяжурны дыспетчар Ашмянскага раённага аддзела па надзвычайных сітуацыях прыняў паведамленне аб пажары ў прыватным двухкватэрным доме ў аграгарадку Гальшаны.
Задымленне ў суседа выявіла мясцовая жыхарка Ганна Генадзьеўна Баярс і яе знаёмая Вераніка Вячаславаўна Шыш. Жанчыны ўвайшлі ў жыллё і ў адным з пакояў ўбачылі спячага 55-гадовага гаспадара і яго 62-гадовага госця. Мужчын абудзілі і дапамаглі выйсці на свежае паветра, а затым залілі агонь вадой. Брыгада хуткай медыцынскай дапамогі агледзела выратаваных і прыняла рашэнне пакінуць госця пад наглядам ў медустанове. Праз некалькі гадзін мужчына быў адпушчаны дадому.
Асноўная разгляданая версія прычыны пажару - неасцярожнае абыходжанне з агнём пры курэнні.