- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродзенскі раён. Каб «не прапалілі жыццё»
Для папярэджання вогненных трагедый, выкліканых неасцярожнасцю пры курэнні, работнікі МНС праводзяць пажарна-прафілактычную работу ў рамках акцыі «Не прапальвай сваё жыццё!». Гібель людзей з-за курэння-праблема, актуальнасць якой пацвярджаюць лічбы статыстыкі: у 2018 годзе ў вобласці пры пажарах, якія ўзніклі з-за непатушанай цыгарэты, загінула 58 чалавек, за 10 месяцаў бягучага года ў вогненных ПП па гэтай прычыне загінула 23 жыхара вобласці.
Работнікі Гродзенскага раённага аддзела па НС у рамках акцыі сустрэліся з грамадзянамі, якія знаходзяцца ў папраўчай установе адкрытага тыпу № 26 в.Гіновічы. Лічбы статыстыкі, прыклады з жыцця, калі курэнне і алкаголь – гуляюць сваю ролю ў ланцужку сумных падзей, відэа па тэматыцы бяспекі - і прысутныя ажыўляюцца, пачынаюць задаваць пытанні, выказваць свой пункт гледжання. Такім чынам, аповяд пра бяспеку перайшоў у гутарку, удзельнікі якой не проста праслухалі паток інфармацыі, але і атрымалі адказы на пытанні, якія цікавяць.