- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Акцыя «Бяспечны Новы год!» стартавала ў Навагрудскім раёне
З мэтай папярэджання пажараў і траўмаў у выніку парушэння правілаў пажарнай бяспекі пры падрыхтоўцы да святаў, неасцярожнага абыходжання з піратэхнічнымі вырабамі ў Навагрудскім раёне стартавала рэспубліканская акцыя «Бяспечны Новы год!».
Каб нагадаць грамадзянам аб захаванні правіл бяспекі работнікі МНС наведалі аддзяленні кругласутачнага і дзённага знаходжання тэрытарыяльнага цэнтра сацыяльнага абслугоўвання насельніцтва Навагрудскага раёна. Выратавальнікі праінфармавалі ўсіх прысутных аб сітуацыі з пажарамі ў вобласці і раёне, зрабіўшы акцэнт на тым, што іх вялікая частка адбываецца дзеля неасцярожнага абыходжання з агнём, што таксама з'яўляецца асноўнай прычынай гібелі людзей на пажарах. Работнікі МНС звярнулі ўвагу на неабходнасць захавання правілаў пажарнай бяспекі не толькі ў побыце, але і на сваіх працоўных месцах, а таксама расказалі аб мерах бяспекі пры падрыхтоўцы да святочных мерапрыемстваў і абыходжанні з піратэхнічнымі вырабамі.
Удзельнікі мерапрыемства паглядзелі навучальныя відэафільмы, прынялі ўдзел у тэматычнай віктарыне і конкурсах, праспявалі супрацьпажарныя прыпеўкі, а таксама прыбралі «бяспечную ялінку».