МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Навагрудскія выратавальнікі сумесна з работнікамі лясной гаспадаркі ліквідавалі лясны пажар
Не сакрэт, што вясна, з паламі травы і наступнымі за гэтым пажарамі ў лясных масівах, прымушае быць гатовымі да іх ліквідацыі не толькі падраздзяленні па надзвычайных сітуацыях, але і арганізацыі, якія адказваюць за ахову лесу ад пажараў.
7 красавіка у 16:35 у Навагрудскі раённы аддзел па НС паступіла паведамленне аб загаранні сухой расліннасці ў вёсцы Рутка-2. З-за моцнага ветру агонь па сухой траве хутка распаўсюдзіўся на тэрыторыю лесу. Агняборцы сумесна з прадстаўнікамі лясной гаспадаркі неадкладна прыступілі да ліквідацыі ўзгарання. Дзякуючы зладжаным дзеянням вогненнае здарэнне ўдалося ліквідаваць.
***
За мінулыя суткі ў вобласці ў экасістэмах ліквідавана 8 загаранняў сухой расліннасці на агульнай плошчы 5,2 га, 10 лясных пажараў на агульнай плошчы 7,38 га і 1 тарфяны пажар на плошчы 0,5 га.
***
Нагадваем, што выпальванне сухой расліннасці катэгарычна забаронена. Гэта стварае пагрозу маёмасці і жыцця як самога вінаватага, так і яго суседзяў, членаў сям'і. Ўзнікаюць лясныя і тарфяныя пажары.
У адпаведнасці з артыкулам 15.57 КаАП Рэспублікі Беларусь за выпальванне сухой расліннасці, траў на корані, а таксама іржышча і пажніўных рэшткаў на палях альбо непрыняцце мер па ліквідацыі палаў - прадугледжана накладанне штрафу ад 10 да 40 базавых велічынь, а гэта да 1080 рублёў. У выпадку прычынення шкоды ў асабліва буйным памеры надыходзіць крымінальная адказнасць.
Артыкулам 15.58 КаАП Рэспублікі Беларусь за распальванне вогнішчаў у забароненых месцах прадугледжана папярэджанне або накладанне штрафу да 12 базавых велічынь (да 324 рублёў). Таксама заканадаўствам за падобныя парушэнні прадугледжана і крымінальная адказнасць.
Будь готов
Другие новости
