image description
 

Учреждение Гродненское областное управление МЧС Республики Беларусь

 

Навагрудскі раён. Небяспека – закінутыя дамы

1160

  Усе мы ведаем, што часам свабодны доступ у закінутыя будынкі можа паслужыць прычынай трагедыі, а калі туды залазяць дзеці, то пагроза павялічваецца ў разы. Не адзінкавыя выпадкі, калі гульні ў закінутых старых будынках прыводзіць да траўматызму, а часам і да гібелі дзяцей.

 Навагрудскі раённы аддзел па надзвычайных сітуацыях штодня праводзіць рэйды па выяўленні пустуючых дамоў, будынкаў і збудаванняў, дзе не прыняты арганізацыйныя меры па прадухіленні несанкцыянаванага доступу грамадзян. У адзін з такіх рэйдаў па населеных пунктах Ладзеніцкага, Брольніцкага і Нягневіцкага сельскіх Саветаў мы накіраваліся разам з першым намеснікам начальніка РАНС Дзмітрыем Максімовічам.
  – Закінутыя месцы прывабліваюць сваёй таямнічасцю, што выклікае да іх цікавасць, асабліва сярод моладзі, але гэтыя месцы гэтак жа ў сабе ўтойваюць схаваныя пагрозы ў сувязі з аварыйнасцю, траўманебяспечнасцю. Падобныя аб’екты, на жаль, маюцца як у сельскай мясцовасці, так і горадзе, – адзначыў Дзмітрый Сяргеевіч. – У большасці будынкаў – паўразбітыя вокны, прагніўшыя падлога, сцены і дах, горы смецця, у якіх могуць знаходзіцца небяспечныя для жыцця прадметы. Любая частка такога дома можа абрынуцца ў любы момант і нанесці шкоду людзям, якія знаходзяцца побач. А закінутыя прыватныя дамы часта гараць, уяўляюць пагрозу для суседзяў, з’яўляюцца месцам збору падлеткаў і людзей, якія вядуць амаральны лад жыцця. У апошні час гэта адна з актуальных праблем.
  На тэрыторыі Навагрудскага раёна ў 2020 годзе патрабуецца выдаліць 495 аварыйных дрэў, правесці знос 76 непрыдатных да эксплуатацыі старых будынкаў, правесці ачыстку 121 пажаранебяспечных участкаў ад драўняна-хмызняковай і сухой расліннасці.
  Падчас рэйду быў выяўлены шэраг парушэнняў санітарных нормаў, правілаў добраўпарадкавання і пажарнай бяспекі. У прыватнасці, у аг. Гарадзечна занепакоенасць прадстаўніка РАНС выклікае пустуючы, закінуты двухпавярховы будынак былога ўпраўлення мясцовага сельскагаспадарчага прадпрыемства. Вокны абодвух паверхаў будынка не забіты дошкамі. Разам з тым, уваход у названы будынак не абмежаваны. Без перашкод па лесвіцы, якая знаходзіцца ў аварыйным стане, можна падняцца на другі паверх. У некаторых памяшканнях кучы смецця, а вось у некаторых – прыбрана, тут знаходзіцца і канапа. Па ўсім відаць, тут збіраецца моладзь і хутчэй за ўсё вечарамі. І страшна ўявіць, якія наступствы могуць быць…
  За каментарыем мы звярнуліся да антыкрызіснага упраўляючага ААТ «Гарадзечна» Аляксандра Макрушыча.
  – Гэты будынак – набалелае пытанне. Будынак знаходзіцца на балансе нашага прадпрыемства і будзе выстаўлены на аўкцыён. Дзверы і вокны будынка былі забіты дошкамі, аднак нехта ўсё гэта адарваў. У самы бліжэйшы час мы вырашым гэту праблему, – паабяцаў Аляксандр Генадзьевіч.
Зразумела, што аб закінутым будынку вядома было і да рэйду, толькі вось чамусьці «рукі так і не даходзілі». Застаецца здагадвацца: чакалі прыезду работнікаў МЧС ці трагедыі, каб навесці парадак.
  Калі гаспадар толькі «на паперы»
  Падчас рэйду не ўзнікла пытанняў у першага намесніка РАНС Дзмітрыя Максімовіча да жыхароў жылых дамоў у вёсках Несутычы, Старыя Нягневічы – праблем з пажарнай бяспекай няма. Аднак нямала ў гэтых населеных пунктах нежылых дамоў, якія пустуюць.
  – Многім можа здацца, што гэтыя закінутыя будынкі не ўяўляюць небяспекі. Аднак тэрыторыя каля іх зарасла пустазеллем у чалавечы рост, кустарнікамі. У такіх умовах павышаецца верагоднасць узнікнення пажару ад непатушанай запалкі або цыгарэты, а часам і разведзенага непадалёку вогнішча. Пажар у лічаныя хвіліны можа перакінуцца на бліжэйшыя жылыя дамы, аўтамабілі ці ж распаўсюдзіцца на сухую расліннасць. Такія будынкі могуць знаходзіцца ў непасрэднай блізкасці ад лясных масіваў, што пагражае ўзнікненнем ляснога пажару і нанясення вялікага ўрону прыродзе, – адзначае Дзмітрый Максімовіч. – Каб выключыць магчымыя трагічныя выпадкі, работнікі МНС праводзяць працу па папярэджанні пажараў у нежылых і закінутых будынках. Настойліва раім грамадзянам, якія маюць неэксплуатаваныя будынкі, прымаць меры па абмежаванні доступу ў іх дзяцей і асоб без пэўнага месца жыхарства. Праводзіць ачыстку тэрыторыі ад сухой расліннасці, тым самым выключаючы магчымасць узнікнення пажару.
  Праблема значнай колькасці пустуючага жылля мае паўсюдны характар і патрабуе пастаяннага прыняцця адпаведных мер. Знос дамоў – гэта крайняя мера. Па кожным населеным пункце вядзецца ўлік пустуючых дамоў, ёсць усе неабходныя звесткі пра іх. На тэрыторыі Нягневіцкага сельвыканкама пустуючых 105 дамоў, у Старых Нягневічах такіх дамоў 16. На тэрыторыі Брольніцкага сельсавета – 96 дамоў, у Несутычах – 13.
  – Сёння мы можам прыцягнуць да адміністрацыйнай адказнасці грамадзян за парушэнне правілаў утрымання населеных пунктаў, – тлумачаць старшыня Брольніцкага сельвыканкама Святлана Макар і старшыня Нягневіцкага сельвыканкама Васілій Рудакоўскі. – Чалавек адзін раз заплаціць штраф, другі... А на трэці, можа, задумаецца, што з гэтым домам рабіць – альбо наводзіць парадак, альбо прадаваць, альбо перадаць стары дом на баланс сельскага савета пад знос. Калі ёсць уласнік, усё проста. Але часцей назіраецца іншая карціна. Уласнік быццам бы ёсць, але ў правы на дом не ўступае, не рэгіструе яго на сябе. Пытанні з пустуючымі дамамі застаюцца.
  Дзеля справядлівасці трэба сказаць, што па выніках рэйду былі выяўленыя і станоўчыя прыклады па ўтрыманні пустуючых будынкаў. Такія прыклады адзначыў Дзмітрый Максімовіч у аг. Нягневічы. Па ўсім відаць, што тут жывуць і працуюць гаспадары «не толькі на паперы».
  Па матэрыялах газеты «Новае Жыццё»

Будь готов

Другие новости


 

Приглашаем на службу
Приглашаем на службу
Волшебная книга
Волшебная книга
Моб. приложение
Моб. приложение

Министерство
Закрыть
Закрыть Закрыть Закрыть
Закрыть

Центральный аппарат МЧС

Территориальные управления

Департаменты

Закрыть