- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Слонімскі раён. Бяспечныя канікулы
У рамках рэспубліканскай акцыі «Канікулы без дыму і агню!» слонімскія ратавальнікі наведалі дзіцячы аздараўленчы лагер «SMARTkids». Адпачывальнікі з нецярпеннем чакалі прыбыцця гасцей і былі вельмі радыя іх з'яўленню.
У пачатку мерапрыемства старшыня Слонімскай раённай арганізацыі Чырвонага Крыжа Таццяна Несцяровіч навучыла дзяцей правілам аказання першай медыцынскай дапамогі пацярпелым пры надзвычайных сітуацыях, пасля чаго кожны жадаючы змог замацаваць атрыманыя веды на практыцы. Затым інспектары групы прапаганды райаддзела МНС у займальнай гутарцы расказалі дзецям пра небяспекі, з якімi яны могуць сутыкнуцца дома і на вуліцы, у лесе і на рэчцы, і як не трапіць у надзвычайную сітуацыю. Хлапчукі і дзяўчынкі з задавальненнем удзельнічалі ў конкурсах, віктарынах і гульнях, якія падрыхтавалi для iх арганізатары.
Мора эмоцый і ўражанняў пакінула ў дзетвары сустрэча з выратавальнікамі, якія, для кожнага ўдзельнiка падрыхтавалі падарунак - кніжкі-напамінальнікі аб правілах бяспекі.