- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ваўкавыск. Бяспека на вадаёмах
Работнікі раённага аддзела па НС сумесна з прадстаўнікамі АСВОД наведалі месцы купання жыхароў і гасцей Ваўкавыскага раёна.
Выратавальнікі правялі сумеснае патруляванне афіцыйна устаноўленых месцаў для купання. Асаблівая ўвага нададзена пляжам, якія карыстаюцца асаблівай папулярнасцю – гэта крэйдавыя кар'еры. На жаль, не ўсе прыслухоўваюцца да рэкамендацый і забаронаў. Магчымасць зрабіць прыгожыя фатаграфіі прыцягвае людзей на кар'еры, не гледзячы на папераджальныя і забараняльныя знакі і рэальную небяспеку. Работнікі раённага аддзела па НС сумесна з прадстаўніком АСВОД нагадалі адпачываючым асноўныя меры бяспекі на вадзе, прывялі прыклады трагічных выпадкаў, акцэнтавалі ўвагу на недапушчальнасць купання ў нецвярозым стане і пакідання малалетніх дзяцей без належнага нагляду. Дарослыя і малыя з цікавасцю вывучалі атрыманыя памяткі па АБЖ.