- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Навагрудак. Уборка збожжавых пад пільнай увагай
Навагрудскія выратавальнікі сумесна з прадстаўнікамі пракуратуры і ўпраўлення сельскай гаспадаркі райвыканкама праводзяць сумесныя рэйды ў месцах уборкі збожжавых культур, галоўнай мэтай якіх з'яўляецца папярэджанне вогненных надзвычайных здарэнняў у перыяд уборачнай кампаніі.
Начальнік райаддзела МНС Дзмітрый Максімавіч падчас рэйдавых мерапрыемстваў звярнуў увагу на захаванне супрацьпажарнага рэжыму на тэрыторыі аб'ектаў аграпрамысловага комплексу, укамплектаванасць тэхнікі першаснымі сродкамі пажаратушэння, наяўнасць у работнікаў, якія ўдзельнічаюць ва ўборачнай, талонаў аб праходжанні навучання па праграме пажарна-тэхнічнага мінімуму. Таксама прадстаўнік МНС правёў з работнікамі гаспадарак гутаркі, падчас якіх нагадаў парадак карыстання першаснымі сродкамі пажаратушэння, алгарытм дзеяння пры ўзнікненні пажараў, важнасць выканання правілаў пажарнай бяспекі кожным работнікам, незалежна ад пасады.