МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Аперацыя «Эвакуацыя» у школах Слонімскага раёна
Штогод спачатку навучальнага года работнікі МНС асаблівую ўвагу надаюць навучанню дзяцей і педагогаў дзеянням у выпадку ўзнікнення надзвычайных сітуацый і практычна адпрацоўваюць з імі ўвесь алгарытм паводзінаў ва ўмовах пажару. 4 верасня ў рамках рэспубліканскай акцыі « У цэнтры ўвагі – дзеці!» слонімскія выратавальнікі прынялі ўдзел у правядзенні практычных трэніровак па адпрацоўцы планаў эвакуацыі ў установах адукацыі.
Для правядзення практычных трэніровак у сярэдняй школе №9 Слоніма прынялі ўдзел падраздзяленні МНС на пажарнай аварыйна-выратавальнай тэхніцы, а ўмовы для эвакуацыі можна было параўнаць з экстрэмальнымі. Клубы дыму ад спецыяльнай устаноўкі імкліва запоўнілі калідор трэцяга паверха і пагаршалі бачнасць. Сістэма пажарнай сігналізацыі апавясціла ўсіх аб неабходнасці неадкладна пакінуць будынак. Задымленне дэзарыентавала настаўнікаў і школьнікаў, аднак правільныя дзеянні педагогаў дазволілі без панікі эвакуіраваць дзяцей са школы. Прыбылыя на месца здарэння выратавальнікі правялі баявое разгортванне і аказалі дапамогу вучню, пакінутаму па тактычнай задумцы вучэнняў, у кабінеце. Пасля заканчэння трэніроўкі выратавальнікі прадэманстравалі школьнікам магчымасці пажарнай тэхнікі і аварыйна-выратавальнага абсталявання, а інспектары прапаганды далі рэкамендацыі персаналу школы для павышэння эфектыўнасці дзеянняў у выпадку ўзнікнення пажару.
Будь готов
Другие новости
