- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Навагрудскі раён. Аберагаць – значыць дапамагаць!
Праверка бяспечных жыллёвых умоў людзей сталага ўзросту заўсёды ў полі зроку работнікаў Навагрудскага раённага аддзела па надзвычайных сітуацыях і Тэрытарыяльнага цэнтра сацыяльнага абслугоўвання насельніцтва. На гэты раз прафілактычны рэйд праводзіўся ў рамках акцый «З клопатам да малой радзімы!» і «Старасць без насілля».
Як правіла, рэйдавая група ведае, па якім адрасе накіроўвацца, бо прафілактычныя рэйды, праверка ўмоў пражывання – першаступенныя задачы і назіральных камісій, і інспектараў РАНС. Безумоўна, у кожным населеным пункце адпаведныя службы ведаюць, і тых, хто знаходзіцца пад пільным кантролем і тых, хто павінен устараніць парушэнні, якія былі ўказаны падчас папярэдняй праверкі. Вось такое штодзённае і комплекснае абследаванне домаўладанняў дазваляе ўбачыць поўную карціну ўмоў, у якіх пражывае той ці іншы чалавек – пажылы, адзінокі, інвалід або дзіця. На эты раз мы разам з рэйдавай групай завіталі ў вёску Вялікія Лезнявічы.
Падчас прафілактычнага рэйду першы намеснік начальніка Навагрудскага РАНС Андрэй Першукевіч, інспектар сектара прапаганды Наталля Апалонік і в.а. загадчыка аддзялення дзённага знаходжання для грамадзян сталага ўзросту Людміла Балашова-Пекучар нагадалі пенсіянерам аб правілах бяспекі пры эксплуатацыі пячнога ацяплення і электраабсталявання. Не засталося незакранутым і пытанне абсталявання домаўладанняў аўтаномнымі пажарнымі апавяшчальнікамі. Прадстаўнікі МНС расказалі аб тым, як правільна ўсталяваць АПА і для чаго патрэбен гэты прыбор, давалі рэкамендацыі па падтрыманні жылля ў супрацьпажарным стане.
Разам з тым, у рамках рэспубліканскай акцыі «З клопатам аб бяспецы малой радзімы» і напярэдадні Міжнароднага дня пажылых людзей работнікі раённага аддзела МНС падрыхтавалі тэматычныя віншавальныя паштоўкі і наглядна-выяўленчую прадукцыю з карыснай інфармацыяй аб тым, як засцерагчы сваё жыллё. Падчас рэйду многім жыхарам Лезнявіч былі ўручаны гэтыя пісьмы.
Падчас агляду жылля ў большасці жыхароў в. Вялікія Лезнявічы, парушэнняў выяўлена не было. Аўтаномны пажарны апавяшчальнік у спраўным стане, пячное ацяпленне адпавядае ўсім неабходным патрабаванням пажарнай бяспекі. Але прафілактыка ніколі не бывае лішняй.
У дамы некаторых грамадзян, якія злоўжываюць алкагольнымі напіткамі і складаюць групу павышанай рызыкі, мы падчас рэйду не трапілі, таму яны будуць абследаваны дадаткова.
Праблема гібелі людзей на пажарах застаецца вельмі актуальнай. Да трагедыі не далёка і лепш яе папярэдзіць, чым пазней шкадаваць.
Па матэрыялах газеты «Новае жыццё»