- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Школьнікі ў гасцях у ашмянскіх выратавальнікаў
Падчас школьных канікул у гасцях у работнікаў пажарнай аварыйна-выратавальнай часці №1 Ашмянскага райаддзела МНС пабывалі навучэнцы з сярэдняй школы №1 г. Ашмяны.
Падчас экскурсіі выратавальнікі першай справай паўтарылі з хлопцамі і дзяўчынкамі асноўныя прычыны ўзнікнення пажараў, пагаварылі пра вогненныя НЗ па прычыне дзіцячага свавольства, успомнілі нумары тэлефонаў экстраных службаў, а таксама алгарытм дзеянняў у выпадку ўзнікнення пажару. Таксама работнікі МНС расказалі школьнікам пра баявую работу, пазнаёмілі з пажарнымі аўтамабілямі. Усе жадаючыя змаглі прымерыць форму выратавальнікаў, патрымаць у руках спецыяльнае абсталяванне і рыштунак, пасядзець у пажарнай машыне і сфатаграфавацца на памяць. А яшчэ дзецям расказалі пра магчымасці паступіць у спецыялізаваны ліцэй пры універсітэце грамадзянскай абароны МНС Рэспублікі Беларусь.