- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Карэлічы. З аўтакрамай па бяспечным маршруце
У рамках акцыі «Не прапальвай сваё жыццё!» работнікі раённага аддзела МНС адправіліся па маршрутах руху аўтамагазінаў у населеныя пункты, размешчаныя на тэрыторыі Ярэміцкага сельсавета, каб нагадаць вяскоўцам пра важнасць захавання правілаў пажарнай бяспекі ў побыце.
Выратавальнікі праінфармавалі вяскоўцаў аб сітуацыі з пажарамі ў раёне і вобласці, указалі асноўныя прычыны іх узнікнення, асаблівую ўвагу надалі стану ацяпляльных і ацяпляльна-варачных печаў, спраўнасці электраправодкі, наяўнасці і спраўнасці аўтаномных пажарных апавяшчальнікаў. Таксама прадстаўнікі МНС расказалі аб мэтах акцыі «Не прапальвай сваё жыццё!» і новай інфармацыйнай кампаніі «Не чакай вавёрачку - тушы недакурак!» і ўручылі буклеты з карыснымі парадамі ад службы 101.
У крамах на інфармацыйных стэндах у кутках пакупнікоў з'явіліся новыя ўлёткі з вавёрачкай, якая заклікае выконваць правілы бяспекі.