МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ваўкавыскі раён. Пагаварылі аб бяспецы
У сельскім клубе аграгарадка Юбілейны ў рамках акцыі «Адзіны дзень бяспекі» прайшоў сельскі сход грамадзян па пытаннях папярэджання надзвычайных сітуацый і гібелі людзей ад іх, прафілактыцы п'янства і гвалту ў сям'і, а таксама злачынстваў у дачыненні да састарэлых грамадзян. У мерапрыемстве ўзялі ўдзел начальнік Ваўкавыскага райаддзела па НС Паканечны Павел Леанідавіч, а таксама прадстаўнікі іншых суб'ектаў прафілактыкі раёна.
У сваім выступе Павел Леанідавіч расказаў прысутным аб сітуацыі з пажарамі ў вобласці, у Ваўкавыскім раёне і на тэрыторыі Краснасельскага сельсавета, прывёў канкрэтныя прыклады вогненных надзвычайных здарэнняў, нагадаў правілы бяспечных паводзін у побыце і на працоўным месцы, растлумачыў неабходнасць праверкі ацяпляльных прыбораў і падтрымання іх у належным стане. Асаблівую ўвагу прадстаўнік МНС звярнуў на такую распаўсюджаную прычыну пажараў, як неасцярожнае абыходжанне з агнём пры курэнні ў нецвярозым стане. Прывёўшы прыклады трагічных наступстваў бестурботнасці, Павел Леанідавіч яшчэ раз заклікаў удзельнікаў сустрэчы выконваць асновы бяспекі жыццядзейнасці і нагадаў правілы паводзінаў у розных экстрэмальных сітуацыях.
Далей па сваіх напрамках дзейнасці выступілі работнікі ЦРБ і РАУС, пазначылі праблемы гібелі і траўматызму людзей ад розных знешніх фактараў, падкрэслілі важнасць адказнасці за кожны факт трагедыі. Скончылася сустрэча праглядам тэматычнага відэафільма.
Будь готов
Другие новости
