- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ваўкавыскі раён. «Правядзі час з карысцю»
У рамках рэспубліканскай акцыі «Дзень бяспекі. Увага ўсім!» работнікі Ваўкавыскага раённага аддзела па НС разам з актывістамі моладзевага руху ратавальнікаў-пажарных і работнікамі Беларускага добраахвотнага пажарнага таварыства арганізавалі ў кінатэатры «Юнацтва» для дзяцей і іх бацькоў работу інфармацыйнай пляцоўкі «5 крокаў выратавання».
Дзецям прапаноўвалася не толькі ў форме гульні даведацца, як дзейнічаць у небяспечных сітуацыях, але і ў рамках інфа-кампаніі «Правядзі час з карысцю» праверыць веды правілаў бяспекі. Рабяты і іх бацькі з задавальненнем адказвалі на пытанні віктарыны «Праверка ведаў», успомнілі правілы выкліку выратавальнікаў, азнаёміліся з першаснымі сродкамі пажаратушэння і правіламі эксплуатацыі аўтаномнага пажарнага апавяшчальніка, самавыратавальніка і апавяшчальніка угарнага газу.
Юныя выратавальнікі-пажарныя расказалі ўдзельнікам акцыі аб знаках бяспекі і аб правілах эвакуацыі пры пажары, аб правілах паводзін у натоўпе. Работнікі МНС наглядна прадэманстравалі працу мабільнага дадатку «МНС Беларусі. Дапамога побач».