Ваўкавыскі раён. Пагаварылі аб бяспецы

У вёсцы Ізабелін Ваўкавыскага раёна прайшоў сельскі сход грамадзян па пытаннях папярэджання надзвычайных сітуацый і гібелі людзей ад іх, прафілактыцы п'янства і гвалту ў сям'і, а таксама злачынстваў у дачыненні да састарэлых грамадзян. У мерапрыемстве прынялі ўдзел намеснік начальніка Ваўкавыскага раённага аддзела па надзвычайных сітуацыях Сяргей Міхайлавіч Якімовіч, а таксама прадстаўнікі іншых суб'ектаў прафілактыкі раёна.

Работнікі Ваўкавыскага раённага аддзела па надзвычайных сітуацыях сумесна з педагогамі ДУА «КПК Ізабелінскі дзіцячы сад-сярэдняя школа», ДУА «КПК Мацвееўскі дзіцячы сад – СШ» правялі з вучнямі конкурсна-гульневую праграму ў рамках інфа-кампаніі «правядзі час з карысцю». Хлопцы з цікавасцю «абжывалі» кабіны пажарных аўтамабіляў, прымяралі на сябе баявую вопратку выратавальнікаў, прынялі ўдзел у віктарынах і гульнях. Прадстаўнікі Ваўкавыскага ўчастка добраахвотнага пажарнага таварыства арганізавалі выязны продаж аўтаномных пажарных апавяшчальнікаў, элементаў харчавання да іх і вогнетушыцеляў.
Намеснік начальніка Ваўкавыскага райаддзела па НС Сяргей Якімовіч давёў абстаноўку з пажарамі і іншымі НС у Ваўкавыскім раёне і на тэрыторыі Ізабелінскага сельскага Савета, прывёў канкрэтныя прыклады і нагадаў правілы бяспечных паводзін у побыце і на працоўным месцы, растлумачыў асаблівасці пажаранебяспечнага перыяду і мерах адказнасці за парушэнні. Ен звярнуўся да дарослых з заклікам не пакідаць дзяцей без нагляду, прадэманстраваў мабільнае прыкладанне «МНС Беларусі. Дапамога побач» і расказаў пра яго карысць. Нікога не пакінуў абыякавым відэаролік «Размова дыспетчара МНС з хлопчыкам» і фільм аб недапушчальнасці выпальвання сухой расліннасці.
Перад прысутнымі таксама выступілі прадстаўнікі іншых суб'ектаў прафілактыкі. Завяршылася сустрэча выступленнем творчага калектыву работнікаў Дома культуры.