МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Навагрудскі раён. Пытанні бяспекі абмеркавалі на сходзе
На тэрыторыі Ладеникского сельсавета адбыўся сход грамадзян, на якім разглядаліся пытанні папярэджання гібелі і траўматызму людзей пры ўзнікненні пажараў і іншых надзвычайных сітуацый. Удзел у ім прынялі начальнік Навагрудскага раённага аддзела па НС Уладзімір Свірыд і прадстаўнікі іншых суб'ектаў прафілактыкі раёна.
Уладзімір Сяргеевіч расказаў жыхарам аб сітуацыі з пажарамі ў раёне і вобласці, аб правілах бяспекі ў вясенне-летні пажаранебяспечны перыяд. Начальнік раённага аддзела па надзвычайных сітуацыях нагадаў грамадзянам аб недапушчэнні курэння ў ложку ў стане алкагольнага ап'янення, аб правілах эксплуатацыі пячнога ацяплення і бяспечнага карыстання электрапрыборамі, аб неабходнасці сачыць за спраўнасцю аўтаномных пажарных апавяшчальнікаў і своечасова замяняць батарэйкі. Расказаўшы аб мэтах прафілактычнай акцыі «Не пакідайце дзяцей адных!», ён заклікаў дарослых паклапаціцца аб бяспечным правядзенні часу дзяцей у летні канікулярны перыяд. Працягнулі дыялог з удзельнікамі сходу старшыня Ладенікскага сельсавета, прадстаўнікі аховы здароўя, газавай службы і электрычных сетак, мясцовы участковы інспектар, а таксама старшыня раённага Савета дэпутатаў. Яны расказалі аб становішчы спраў у пытаннях забеспячэння бяспекі на тэрыторыі Навагрудскага раёна па сваіх напрамках дзейнасці і адказалі на пытанні грамадзян. У завяршэнні мерапрыемства ўдзельнікам прапанавалі да прагляду відэафільм і раздалі буклеты супрацьпажарнай накіраванасці. Для маленькіх жыхароў аграгарадка Ладенікі работнікі МНС прадэманстравалі выратавальную тэхніку, з дзецьмі правялі віктарыны і конкурсы, нагадалі аб правілах бяспекі жыццядзейнасці і ўручылі памятныя сувеніры.
Будь готов
Другие новости
