- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
У Астравецкім раёне мужчына сам справіўся з пажарам, які ўзнік па яго ж неасцярожнасці
6 жніўня ў 18-39 астравецкія выратавальнікі прынялі паведамленне аб пажары ў вёсцы Гервяты. Першыя разлікі МНС выявілі задымленне ў жылым доме.
Высветлілася, што незадоўга да здарэння муж гаспадыні гатаваў ежу. Потым пераклаў яе ў іншы посуд, а пустую патэльню паставіў на газавую пліту, забыўшыся яе выключыць. Сам выйшаў з дома ў пуню. Праз некаторы час пачуў крыкі суседзяў аб пажары. Убегшы ў кухню, выключыў пліту, скінуў патэльню і пры дапамозе падручных сродкаў патушыў агонь, які ўжо паспеў перабрацца на сцены.
Работнікам МНС засталося толькі пераканацца, што ўзгаранне не паўторыцца. У выніку пажару пашкоджаны сцены, столь і газавая пліта. Пацярпелых людзей няма.