- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродна. Канікулы з выратавальнікамі
Падчас зімовых канікул работнікі Гродзенскага гарадскога аддзела па надзвычайных сітуацыях асаблівую ўвагу надалі дзецям. Каб навучыць школьнікаў правілам бяспекі, яны наведвалі прышкольныя лагеры і запрашалі дзяцей на экскурсіі ў пажарныя часткі.
Спачатку рабяты, каб асвоіцца, збіраліся на імправізаваныя заняткі, дзе ім нагадвалі парадак выкліку службы выратавання ў выпадку ўзнікнення пажару, расказвалі як паводзіць сябе ў выпадку НС, пакрокава разбіраючы кожнае дзеянне. Для замацавання інфармацыі і каб ацаніць узровень падрыхтоўкі дзяцей па АБЖ, работнікі МНС праводзілі тэматычныя віктарыны. Асаблівую цікавасць у рабят выклікалі экскурсіі ў пажарныя часткі, бо дзе яшчэ можна было пасядзець за рулём сапраўднага пажарнага аўтамабіля, які неаднаразова выязджаў на розныя надзвычайныя сітуацыі, а таксама ўбачыць абсталяванне, якім аснашчаны спецаўтамабілі.