- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Іўеўскі раён. Сустрэча са святарамі
У малой зале Іўеўскага раённага выканаўчага камітэта адбылася сустрэча кіраўніцтва раёна са святарамі па пытаннях развіцця этнаканфесійнай сферы раёна і ўзаемадзеяння па актуальных пытаннях грамадства.
Па пытанні аб патрабаваннях да пажарнай бяспекі культавых устаноў выступіў Уладзіслаў Валер'евіч Магільніцкі, начальнік Іўеўскага раённага аддзела па надзвычайных сітуацыях. Ён адзначыў той факт, што наша агульная задача сёння прыняць усе магчымыя меры, каб ва ўсіх храмах былі створаны бяспечныя ўмовы знаходжання, а таксама захаваць духоўныя, культурныя каштоўнасці, якія знаходзяцца ў іх.
- Акрамя таго, лічу неабходным працягнуць далейшае ўдасканаленне работы па прапагандзе бяспекі жыццядзейнасці грамадзян. Сёння, ужо добрая традыцыя - удзел святароў у сельскіх сходах, што, упэўнены, істотна ўплывае на свядомасць прысутных па бяспечнай жыццядзейнасці і вынішчае згубныя звычкі безадказнага стаўлення да свайго жыцця і навакольных, – дадаў начальнік раённага аддзела па НС.
У ходзе канструктыўнага дыялогу абмеркаваны шляхі далейшага ўзаемадзеяння па сацыяльна значным напрамкі, сярод якіх: пытанні сямейнага дабрабыту, духоўна-маральнага выхавання маладога пакалення, супрацьстаянне п'янства і наркаманіі.