МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Мастоўскі раён. З клопатам пра бяспеку
«Бяспечную карэспандэнцыю» пажылым мастаўчанам рассылаюць работнікі раённага аддзела МНС і цэнтра сацыяльнага абслугоўвання насельніцтва.
У рамках акцыі «З клопатам пра бяспеку малой радзімы» інспектар сектара прапаганды і ўзаемадзеяння з грамадскасцю Мастоўскага раённага аддзела МНС Святлана Жудро і загадчыца аддзялення ЦСАН Аляксандра Саламевіч сумесна падрыхтавалі бяспечную карэспандэнцыю адзінокім людзям старэйшым за 80 гадоў, у якіх раней былі выяўленыя парушэнні правілаў бяспекі пры эксплуатацыі пячнога ацяплення. 60 лістоў разляцеліся ў розныя пункты раёна.
Пажылыя людзі у канвертах знаходзілі буклеты з выявай абраза «Неапалімая Купіна», дзе напісаныя правілы эксплуатацыі пячнога ацяплення, а таксама з правіламі спальвання смецця на прысядзібных участках і тэматычныя памяткі з нумарамі тэлефонаў экстранных службаў і іншай карыснай інфармацыяй.
«Рыхтуй сані летам» - абвяшчае народная прыказка. Згодныя з гэтым і работнікі МНС, таму ў летні перыяд яны нагадваюць жыхарам раёна аб неабходнасці прывесці сістэмы ацяплення ў належны стан.
- Мы хочам нагадаць старэйшаму пакаленню пра бяспеку, каб нішто не азмрочвала іх вольны час, тым самым выяўляючы клопат і ўвагу, - падзяліліся Святлана Жудро і Аляксандра Саламевіч.
Па матэрыялах газеты «Зара над Нёманам»
Будь готов
Другие новости
