- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродзенскі раён. Міні-цэнтр бяспекі ў Азёрах сустракаў гасцей
У рамках акцыі «У цэнтры ўвагі – дзеці!» работнікі раённага аддзела МНС праводзяць урокі бяспекі з дзецьмі. Заняткі з малодшым пакаленнем здаюцца простымі, але ў той жа час з'яўляюцца вельмі адказнымі. Спагадная і зацікаўленая дзятва заўсёды сустракае выратавальнікаў з захапленнем. Атрымаць адказ на самыя незвычайныя пытанні і пагутарыць з работнікамі МНС заўсёды цікава.
Месцам сустрэчы выратавальнікі гэтым разам выбралі іміджавы аб'ект МНС, размешчаны ў ДУА «Азёрская сярэдняя школа», дзе з дапамогай наяўных зон актывацыі выратавальнікі правялі навучальны занятак. Адпрацавалі, правілы паводзін на вадаёмах, як летам, так і ў зімовы перыяд, успомнілі правілы паводзінаў у лесе, нумары тэлефонаў экстранных службаў. Даведаліся, як аказваць першую даўрачэбную дапамогу, як карыстацца вогнетушыцелем. А каб замацаваць веды хлапчукі і дзяўчынкі паглядзелі мультфільм «Чароўная кніга МНС». У канцы заняткаў рабяты прайшлі тэставанне і паказалі добры ўзровень ведаў па АБЖ.