- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
У Дзятлаве супрацоўнік дэпартамента аховы МУС Іван Ваўчкевіч выратаваў рыбака, які тануў
16 кастрычніка ў 16-38 у Дзятлаўскі райаддзел МНС патэлефанаваў мужчына і паведаміў, што ў райцэнтры на возеры ў раёне вуліцы Фогеля тоне чалавек. Да месца выкліку неадкладна накіраваліся выратавальнікі.
Прыбыўшы да месца выкліку праз тры хвіліны яны выявілі, што на беразе возера знаходзіцца пацярпелы мужчына, а таксама супрацоўнікі Дзятлаўскага аддзела Дэпартамента аховы, адзін з якіх выцягнуў з вады рыбака. Работнікі МНС аказалі дапамогу па дастаўцы пацярпелага да аўтамабіля хуткай медыцынскай дапамогі. З дыягназам «пераахаладжэнне» мужчыну шпіталізавалі ў раённую бальніцу.
Высветлілася, што 57-гадовы жыхар райцэнтра на возеры «Першае» з лодкі лавіў рыбу. У нейкі момант паспрабаваў устаць, але не ўтрымаў раўнавагу і ўпаў у ваду. Глыбіня возера каля 3,5 метраў.
Супрацоўнікі Дзятлаўскага аддзела Дэпартамента аховы прапаршчыкі міліцыі Іван Валчкевіч і Аляксей Сілаў, знаходзячыся на дзяжурстве, патрулявалі вуліцы. Праязджаючы міма возера, яны ўбачылі перавернутую лодку і чалавека ў вадзе. Іван ўплаў кінуўся на дапамогу, а яго напарнік выклікаў да месца здарэння службу выратавання і хуткую медыцынскую дапамогу.