- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Дзятлаўскі раён. Адзіны дзень бяспекі
У мінулыя выхадныя жыхары і госці горада развітваліся з зімой вясёлымі песнямі, танцамі, народнымі гульнямі і конкурсамі. Работнікі Дзятлаўскага раённага аддзела МНС таксама не засталіся ўбаку. У рамках рэспубліканскай акцыі «Адзіны дзень бяспекі» выратавальнікі дарылі дзятве і іх бацькам добры настрой, а галоўнае - карысныя веды.
Далучыўся да выратавальнікаў і герой мультфільма «Чароўная кніга» роставая лялька Бабёр. Ён нагадваў дарослым і дзецям нумары тэлефонаў экстранных службаў выратавання, алгарытм дзеянняў пры ўзнікнення надзвычайных сітуацый. Прадстаўнікі МНС праводзілі з удзельнікамі мерапрыемства конкурсы і віктарыны па асновах бяспекі жыццядзейнасці, расказвалі пра аварыйна-выратавальную тэхніку і абсталяванне, дарылі наглядна-выяўленчую прадукцыю. У канцы свята, каб вясна прыйшла хутчэй, пад вясёлыя песні на цэнтральнай плошчы горада ў вялікім вогнішчы спалілі конкурсныя пудзілы зімы.