- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродзенскі раён. Вясёлка талентаў і бяспекі
У Цэнтры культуры аграгарадка Азёры прайшоў адкрыты рэгіянальны фестываль-конкурс дзіцячай эстраднай творчасці «Вясёлка талентаў», у якім прынялі ўдзел дзіцячыя калектывы Гродзенскага раёна, а таксама госці з іншых раёнаў нашай вобласці. Адзін з этапаў конкурсу – навучанне юных удзельнікаў на майстар-класах ад прафесійных артыстаў. Работнікі Гродзенскага раённага аддзела МНС не засталіся ўбаку і арганізавалі ў рамках рэспубліканскай акцыі «Дзень бяспекі. Увага ўсім!» сваю інтэрактыўную навучальную пляцоўку, дзе ўсе жадаючыя змаглі праверыць свае веды і пазнаёміцца з новай інфармацыяй аб правілах бяспекі.
Самыя актыўныя і пазітыўныя рабяты прынялі ўдзел у папулярнай моладзевай гульні «Твістэр» па тэматыцы МНС. Іншых чакалі віктарыны, конкурсы, інтэрактыўныя гульні і загадкі. Выратавальнікі нагадалі дзецям нумары экстранных службаў і алгарытм дзеянняў пры пажары, расказалі, якія небяспекі могуць чакаць іх дома і на вуліцы падчас вясновых канікул, навучылі як пазбегнуць бяды. Хлапчукі і дзяўчынкі пазнаёміліся з мабільным дадаткам «МНС Беларусі. Дапамога побач» і далучыліся да супольнасці ратавальнікаў «МНС Гродна» ў сацыяльнай сетцы «Укантакце».