- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Слонімскі раён. Тактыка-спецыяльныя вучэнні
Работнікі раённага аддзела МНС на базе Слонімскай фабрыкі мастацкіх вырабаў выратавальнікі правялі тактыка-спецыяльныя вучэнні.
Прадпрыемства з'яўляецца пажаранебяспечным аб'ектам з высокай пажарнай нагрузкай за кошт вялікіх аб'ёмаў тэкстыльнай і драўлянай прадукцыі. Асноўная мэта вучэнняў - праверыць аператыўнасць рэагавання дзяжурнага персаналу аб'екта пры ўзнікненні пажару і адпрацаваць дзеянні Камісіі па надзвычайных сітуацыях аб'екта і службаў ліквідацыі аварыі.
У 14.15 у цэнтр аператыўнага ўпраўлення Слонімскага райаддзела МНС паступіў сігнал аб узгаранні на складзе гатовай прадукцыі вытворчага корпуса. На ўмоўнае месца здарэння неадкладна былі высланыя чатыры баявыя разлікі. Па прыбыцці пажарная тэхніка была ўсталяваная на водакрыніцу для выключэння перабояў падачы вады пры тушэнні. Выратавальнікі праклалі магістральныя лініі да будынка і звяном газадымаахоўнай службы правялі разведку для пошуку людзей, пацярпелых не выявілі.
Пасля заканчэння тактыка-спецыяльных вучэнняў кіраўнік тушэння пажару даў ацэнку дзеянням як асабістага складу Слонімскага райаддзела МНС, так і камісіі па надзвычайных сітуацыях аб'екта і службаў ліквідацыі аварыі, усе з пастаўленымі задачамі справіліся.