- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Бераставіцкі раён. Правялі комплексныя вучэнні. Да выканання задач гатовыя
У раённым сельскагаспадарчым унітарным прадпрыемстве «Алекшыцы» прайшлі комплексныя вучэнні ў галіне абароны ад надзвычайных сітуацый прыроднага і тэхнагеннага характару і грамадзянскай абароны мірнага і ваеннага часу.
У вучэнні прынялі ўдзел пажарная і санітарная дружыны, звяно сувязі і абвесткі сельскагаспадарчага прадпрыемства і работнікі Бераставіцкага раённага аддзела МНС. Вывучаны парадак вядзення дакументацыі па пытаннях дзяржаўнай сістэмы папярэджання і ліквідацыі надзвычайных сітуацый і грамадзянскай абароны. Акрамя таго, на практыцы былі адпрацаваны чатыры уступныя. Члены добраахвотнай пажарнай дружыны ліквідавалі ўмоўны пажар у памяшканнях прадпрыемства і ўзгаранне транспартнага сродку. Работнікі, якія ўваходзяць у склад санітарнай дружыны, аказвалі дапамогу пацярпелым -правялі рэанімацыйныя мерапрыемствы, наклалі шыну і аказалі дапамогу работніку, які атрымаў апёкі. Звяно сувязі і абвесткі прымалі ўводныя ад кіраўніка вучэнняў і высылалі неабходныя сілы і сродкі для практычнай работы па ўступнай.
Па завяршэнні вучэння падвялі вынікі: пастаўленыя мэты дасягнуты, "гатовыя да выканання задач".