- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ліда. Канікулы без агню і дыму
Другі этап рэспубліканскай прафілактычнай акцыі «Канікулы без дыму і агню!» у самым разгары. Лідскія выратавальнікі правялі займальнае і пазнавальнае мерапрыемства для дзяцей, якія адпачываюць у летнім аздараўленчым лагеры «Бярозка».
Небяспекі могуць падцікоўваць дзіця як дома, так і на вуліцы, менавіта таму неабходна ведаць, як паводзіць сябе ў розных неардынарных абставінах. Выратавальнікі распавялі, якія надзвычайныя сітуацыі могуць адбыцца летам і як іх пазбегнуць. Хлапчукі і дзяўчынкі ў гульнявой форме адпрацавалі алгарытмы дзеянняў пры пажары, пры здарэннях у лесе і адпачынку ля вадаёма, прынялі ўдзел у «пажарнай эстафеце» і патрэніраваліся ў выкліку службаў экстранага рэагавання. У завяршэнні сустрэчы выратавальнікі ўручылі дзецям маляўнічыя брашуры па АБЖ і пажадалі незабыўных і бяспечных канікул.