- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродзенскі раён. Па маршруце аўталаўкі з выратавальнікамі
У Гродзенскім раёне працягваецца прафілактычная акцыя «З клопатам аб бяспецы малой Радзімы». Асноўная мэта – папярэджанне пажараў і гібелі на іх людзей пажылога ўзросту.
Гэтым разам работнікі Гродзенскага райаддзела МНС адправіліся па маршруце аўталаўкі, наведаўшы вёскі Ферма, Літвінкі і Калейнікі Квасоўскага сельсавета. Спыняючыся ў населеных пунктах, работнікі МНС размаўлялі з мясцовымі жыхарамі, нагадвалі пра неабходнасць захавання правілаў бяспекі, распавядалі пра карысць устаноўкі аўтаномных пажарных апавяшчальнікаў і прыводзілі прыклады пажараў у домаўладаннях грамадзян пенсійнага ўзросту. Таксама раздавалі прафілактычныя брашуры, у якіх сельскія жыхары змогуць знайсці актуальную інфармацыю аб бяспецы ў побыце.