- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Гродзенскі раён. Канікулы без небяспекі
У Гродзенскім раёне працягваецца прафілактычная акцыя «Канікулы без дыму і агню!». Выратавальнікі наведваюць дзіцячыя аздараўленчыя і прышкольныя лагеры, арганізуюць для хлопчыкаў і дзяўчынак цікавыя, а галоўнае - карысныя мерапрыемствы, нагадваюць аб правілах бяспекі.
На гэты раз работнікі Гродзенскага раённага аддзела МНС зазірнулі ў госці ў дзіцячыя аздараўленчыя лагеры «Юнацтва» і «Дружба», а таксама наведалі прышкольны лагер на базе Квасаўскай сярэдняй школы.
Сустрэчу правялі ў фармаце бяспечнага квэста з рознымі станцыямі. Рухаючыся па пуцёвым лісце, рабяты адгадвалі тэматычныя загадкі, збіралі пазлы, спаборнічалі ў надзяванні баявога адзення, гулялі ў «бяспечны» твістэр і практыкаваліся ў выкліку экстраных службаў. Дзеці ў гульнявой форме папоўнілі свае веды новай інфармацыяй па пытаннях бяспекі жыццядзейнасці. Завяршаліся мерапрыемствы знаёмствам з аварыйна-выратавальным аўтамабілем і абсталяваннем, а таксама ўручэннем карысных падарункаў.