МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Дзятлава. Адзіны дзень бяспекі
У рамках рэспубліканскіх акцый «У цэнтры ўвагі – дзеці!» і «Адзіны дзень бяспекі» супрацоўнікі аддзела па надзвычайных сітуацыях арганізавалі міжведамасную прафілактычную сустрэчу з людзьмі з абмежаванымі магчымасцямі.
Мерапрыемства праходзіла ў Цэнтры сацыяльнага абслугоўвання насельніцтва. Інспектар РАНС Мікіта Кандратовіч нагадаў прысутным правілы супрацьпажарнай бяспекі і паводзінаў пры надзвычайных сітуацыях, а таксама тэлефоны экстранных службаў. Паколькі аддзяленне дзённага знаходжання для інвалідаў “Праменьчык” уваходзіць у аб’яднанне “Крыніца натхнення”, што працуе на базе сектара пазастацыянарнага абслугоўвання насельніцтва раённага цэнтра культуры і народнай творчасці, то цікавую тэматычную гульнявую праграму для асаблівых людзей падрыхтавалі яшчэ і артысты.
Разам з выратавальнікам наведвальнікі “Праменьчыка” ўзгадалі, для чаго патрэбны і як працуюць аўтаномны пажарны апавяшчальнік і вогнетушыцель, паўтарылі ўмоўныя абазначэнні і сімвалы, якія найчасцей можна сустрэць у сацыяльных і медыцынскіх установах, гандлёвых цэнтрах.
Цікавыя гульні-запаміналкі для наведвальнікаў “Праменьчыка” падрыхтавалі Ганна Харлінская, Марына Варган, Ірына Бакшук. Асаблівыя людзі практыкаваліся выклікаць ратаўнікоў па нумары 101, а інспектар РАНС задаваў ім пытанні аб абставінах надзвычайных сітуацый. Не менш цікавымі былі конкурсы тэматычных загадак, пазлаў, “вадзіцеляў пажарных машын”.
Напрыканцы размовы Мікіта Кандратовіч і старшыня раённай арганізацыі Таварыства Чырвонага Крыжа Галіна Касцюк раздалі ўсім памяткі і буклеты.
Галоўны сюрпрыз чакаў удзельнікаў мерапрыемства ў двары цэнтра, куды прыехала пажарная машына. Агняборцы прадэманстравалі прысутным спецабсталяванне, якое знаходзіцца ў аўтамабілях, што выязджаюць на выклік, расказалі, як выкарыстоўваюцца інструменты для аварыйна-выратавальных работ. Вялікую цікавасць у гледачоў выклікала баявое адзенне ратаўнікоў. Нягледзечы на тое, што баёўка і балоны з кіслародам важаць больш за 15 кілаграмаў, знайшліся жадаючыя прымераць спецкамплект і сфатаграфавацца ў ім.
Такая ж размова, толькі ў больш сур’ёзным фармаце, адбылася і з калектывамі работнікаў Цэнтра сацыяльнага абслугоўвання насельніцтва і ўпраўлення па працы, занятасці і сацыяльнай абароне райвыканкама.
Будь готов
Другие новости
