- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Навагрудак. Жыхарам райцэнтра нагадалі аб наступствах бестурботнага курэння
Каб паменшыць колькасць пажараў з прычыны неасцярожнага абыходжання з агнём пры курэнні, прадухіліць гібель людзей на іх работнікі райаддзела МНС знаёмяць навагрудчан з інфармацыйнай кампаніяй МНС «Не чакай вавёрачку, тушы недакурак!».
Выратавальнікі на паштовых скрынях шматкватэрных жылых дамоў па вул. Савецкай у райцэнтры размясцілі хенгеры з гераіняй кампаніі. Звярок нагадае, што не патушаны недакурак можа прывесці да пажару і незваротных наступстваў. У паштовых скрынях жыхары райцэнтра знойдуць і іншую наглядна-выяўленчую прадукцыю з парадамі ад МНС.
Работнікі МНС нагадваюць, калі вы не можаце адмовіцца ад гэтай згубнай прыхільнасці і паліце дома, то рабіце гэта бяспечна. Ні ў якім разе не кідайце непагашаныя цыгарэты на падлогу і не паліце ў ложку. Недакуркі ж складайце ў попельніцу або металічную банку, лепш за ўсё напоўненую вадой. Не падвяргайце небяспекі сябе і тых, хто жыве з вамі побач. А каб своечасова выявіць узгаранне і пазбегнуць пажару, усталюйце ў доме аўтаномны пажарны апавяшчальнік.