- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Астравецкі раён. З клопатам аб кожным!
У рамках акцыі «З клопатам аб бяспецы малой Радзімы!» выратавальнікі наведалі адзінока пражываючую пенсіянерку Вераніку Антонаўну Бойка і аказалі дапамогу па навядзенні парадку на прыдамавой тэрыторыі.
Пажылая жанчына была прыемная здзіўленая такому візіту і ўвазе з боку работнікаў раённага аддзела МНС. Пенсіянерка жыве адна ў прыватным сектары райцэнтра. Нядаўна атрыманая траўма нагі перашкаджае ёй паўнавартасна рухацца, увесь час яна праводзіць дома. Прадстаўнікі МНС пагутарылі з гаспадыняй, выслухалі яе жыццёвыя гісторыі, наносілі і склалі пенсіянерцы дроў, прыбралі прылеглую дарожку да хлява, папоўнілі запасы вады ў бочцы для гаспадарчых патрэб. Не забыліся праверыць стан пажарнай бяспекі і ў домаўладанні. Выратавальнікі праверылі працаздольнасць аўтаномных пажарных апавяшчальнікаў і спраўнасць печы, уручылі Вераніцы Антонаўне буклеты з карыснымі парадамі ад МНС.