- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Ваўкавыскі раён. Лісты бяспекі
Папяровыя лісты да гэтага часу не губляюць сваёй актуальнасці, карыстаюцца папулярнасцю ў многіх людзей, асабліва сталага ўзросту. У рамках акцыі «З клопатам аб бяспецы малой Радзімы!» работнікі Ваўкавыскага раённага аддзела МНС падрыхтавалі лісты бяспекі для адзінокапражывальных і адзінокіх вяскоўцаў, якія пражываюць на тэрыторыі Гнезноўскага сельсавета, каб нагадаць правілы бяспекі.
У канвертах з лагатыпам акцыі атрымальнікі выявяць тэматычныя памяткі: правілы бяспечнай эксплуатацыі пячнога ацяплення, электраабсталявання, алгарытм дзеянняў у выпадку ўзнікнення пажару, а таксама рэкамендацыі па спальванні смецця на прысядзібным участку. Выратавальнікі ўпэўненыя, што такі, больш звыклы і зразумелы для пажылога чалавека напамін правілаў бяспекі жыццядзейнасці дапаможа ім пазбегнуць бяды і захаваць свой дом у бяспецы.