- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Бераставіцкі раён. Насельніцтву аб бяспецы
У рамках рэспубліканскай акцыі «За бяспеку разам!» работнікі Бераставіцкага раённага аддзела МНС сумесна з прадстаўнікамі іншых суб'ектаў прафілактыкі праводзяць інструктыўна-тлумачальную працу з насельніцтвам. Чарговыя прафілактычныя мерапрыемствы праведзены назіральнымі камісіямі Бераставіцкага, Эйсмантаўскага і пагранічнага сельсаветаў.
Мэта рэйдаў - папярэдзіць надзвычайныя сітуацыі і правапарушэнні, а таксама максімальна прыцягнуць увагу грамадзян да пытанняў гарантавання ўласнай бяспекі. Камісійна абследавана каля сарака домаўладанняў. Увага звернута на стан пячнога ацяплення, электраабсталявання, паказана на недапушчальнасць захоўвання пажаранебяспечных матэрыялаў на гарышчы і важнасць падтрымання ў спраўным стане аўтаномных пажарных апавяшчальнікаў. Уласнікам уручаны памяткі супрацьпажарнай накіраванасці і інструкцыі-рэкамендацыі аб захаванні правіл бяспекі ў побыце.