МЧС Беларуси
МЧС Беларуси
Учреждение Гродненское областное управление МЧС Республики Беларусь
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Свіслацкі раён. Акцыя «За бяспеку разам!»
У рамках рэспубліканскай акцыі «За бяспеку разам!» у Свіслацкім раёне выратавальнікі сумесна з прадстаўнікамі іншых суб'ектаў прафілактыкі праводзяць комплекс мерапрыемстваў па папярэджанні пажараў і гібелі людзей ад іх у жыллёвым фондзе.
Работа накіравана на павышэнне ўзроўню культуры бяспекі жыхароў раёна, актывізацыю пажарна-прафілактычнай работы ў жыллёвым фондзе і гатоўнасць домаўладанняў грамадзян да асенне-зімовага пажаранебяспечнага перыяду.
На першым этапе акцыі работнікі Свіслацкага райаддзела МНС у дыстанцыйнай форме правялі навучанне работнікаў сферы сацыяльнай абароны, ЖКГ, адукацыі, членаў назіральных камісій, якія ўдзельнічаюць у абследаваннях бытавых умоў пражывання і аказваюць сацыяльную дапамогу дома пажылым, адзінокім і самотна пражываючым грамадзянам, інвалідам, ветэранам і ўдзельнікам Вялікай Айчыннай вайны. Выратавальнікі акцэнтавалі ўвагу на стане пячнога ацяплення, газавага абсталявання, абавязковай рэгулярнай праверцы працаздольнасці аўтаномных пажарных апавяшчальнікаў і іх наяўнасці ў кожным жылым пакоі. Немалаважным было нагадаць слухачам пра тое, што пры наведванні дома грамадзян, якія маюць патрэбу ў дадатковай сацыяльнай абароне, неабходна праводзіць навучальныя інструктыўныя гутаркі. Таксама работнікі МНС напрыканцы выступлення далі адказы на пытанні, якія цікавілі ўдзельнікаў дыстанцыйнага навучання.
Будь готов
Другие новости
