image description
 

Учреждение Гродненское областное управление МЧС Республики Беларусь

 

Мой тата – выратавальнік

278

 Для многіх нашых землякоў 19 студзеня – Дзень выратавальніка – не проста дата ў календары, а прафесійнае свята. Пажары, дарожна-транспартныя здарэнні, ураганы, патопы – гэтыя і шматлікі пералік іншых здарэнняў даводзіцца ліквідаваць і выратавальнікам-пажарным.

 А дома іх чакаюць блізкія людзі, яны перажываюць, іх сэрцы шчымяць ад таго, што тата, муж, брат ці сын у дадзены момант рызыкуе сваім жыццём, ратуючы іншых.
  Выратавальнікі-пажарныя першымі ідуць на дапамогу. Складана нават ацаніць іх гераізм і мужнасць, бясстрашнасць і рызыку. Мы гаворым ім самыя цёплыя словы падзякі за працу, за ахвяраванні ўласным жыццём і здароўем!
  Ганарацца сваімі татамі сыны і дочкі выратавальнікаў. Сёння мы даведаемся, якія яны – таты-героі навагрудскіх хлопчыкаў і дзяўчынак.
  – Мой тата – старшы пажарны пажарнай аварыйна-выратавальнай часці №1 г.Навагрудка. Гэта самы мужны чалавек на свеце, які ніколі і нікому не дасць мяне пакрыўдзіць, – расказвае Ульяна пра свайго тату Руслана Ціхановіча, які на працягу 22 гадоў працуе ў службе выратавання. – Прафесію пажарнага тата выбраў таму, што яму падабаецца дапамагаць людзям: ён тушыць пажары, ратуе людзей і іх жыллё. Праца вельмі цікавая і адказная. Часам пасля доўгіх дзяжурстваў ён стомленым прыходзіць дадому, але заўсёды знаходзіць час пагаварыць са мной, даведацца аб справах у школе, дапамагчы з урокамі. Я лічу, што прафесія выратавальніка – адна з найважнейшых, і ганаруся сваім татам.
Вадзіцель Навагрудскага Дзяніс Мяцеліца – прыклад для пераймання не толькі для калег, але і свайго 16-гадовага сына Уладзіслава.
  – Аднойчы я задумаўся над выказваннем – герой нашага часу. Ці ёсць у наш мірны час героі? Адважныя, смелыя, мужныя... Дакладна ведаю, што ёсць – гэта агняборцы. І адзін з іх – мой тата Дзяніс Іванавіч, – гаворыць Уладзіслаў Мяцеліца. – Ведаю, што навагрудскія выратавальнікі ўсе вопытныя, адважныя, згуртаваныя, гатовыя ў любы момант прыйсці на дапамогу людзям. Яны што­дня сустракаюцца тварам у твар са смяротнай небяспекай, змагаюцца, вядуць барацьбу з агнём. Праўда, пра гэта тата вельмі рэдка расказвае дома і не лічыць сябе героем. Аднак для мяне ён заўсёды быў і будзе прыкладам для пераймання, маім дарадцам і самым блізкім чалавекам. Разам з матуляй мы заўсёды з нецярпеннем чакаем тату з дзяжурства.
  Амаль 29 гадоў на варце бяспекі навагрудчанін Міхаіл Хрышчановіч, які зараз працуе дыспетчарам пажарнай аварыйна выратавальнай часці №1 г.Навагрудка.
  – Прафесія дыспетчара МНС займае цэнтральнае месца ў пажарна-выратавальнай службе. Менавіта да дыспетчара прыходзіць першая інфармацыя аб здарэннях. А таксама тата «суправаджае» выратавальнікаў-пажарных да завяршэння ліквідацыі ўзгарання, – з веданнем справы расказвае аб прафесіі таты Андрэй Хрышчановіч. – Мой тата самаадданы, мужны, надзейны, высока­прафесійны, валявы і вельмі сціплы ў звычайным жыцці мужчына. Мяне тата прывучае да спорту, разам катаемся на веласіпедах, захапляемся хакеем. Я вельмі ганаруся татам.
  – Самае галоўнае для пажарных – уменне працаваць у камандзе, разумець адзін аднаго з паўслова, бо дзейнічаць трэба дакладна, хутка і рашуча. На рахунку ў нашага таты Яўгенія Смаляка і яго калег шмат патушаных пажараў і выратаваных людзей, – гавораць сын Арцём і дачка Анастасія. – Ведаем, што прафесія таты цяжкая і небяспечная. Выратавальнікам часта даводзіцца працаваць у экстрэмальных умовах, рызыкаваць жыццём. Ім прыходзіцца забываць аб слабасцях і эмоцыях, дзейнічаць хутка і смела. Для нас тата самы лепшы, добры і клапатлівы. Нягледзячы на тое, што ў яго вельмі шмат работы і выездаў на здарэнні і што часам вельмі стамляецца, ён заўсёды знаходзіць для нас час. Выхадныя дні ён праводзіць з намі, часта адпачываем на прыродзе. Наш тата прыклад для нас ва ўсім, вялікі гонар, і мы імкнёмся быць падобнымі на яго.

  Па матэрыялах газеты «Новае Жыццё».

Будь готов

Другие новости


 

Волшебная книга
Волшебная книга
Моб. приложение
Моб. приложение
Министерство
Законодательство
Закрыть
Закрыть Закрыть Закрыть
Закрыть

Центральный аппарат МЧС

Территориальные управления

Департаменты

Закрыть