- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
Свіслач. Бяспечныя ўмовы для пражывання ў інтэрнатах
У 2021 годзе ў вобласці адбылося 4 пажары ў інтэрнатах. Ці можна звесці да нуля колькасць падобных здарэнняў?
Каб папярэдзіць узнікненне такіх сітуацый у далейшым і ацаніць, якія меры для гэтага прымаюцца на месцах, работнікі Свіслацкага раённага аддзела па надзвычайных сітуацыях у рамках акцыі «Бяспека - у кожны дом!» наведалі інтэрнаты ў горадзе Свіслач па вуліцы Гагарына і памежнікаў, з мэтай нагадаць пражываючым правілы пажарнай бяспекі. Падчас рэйдавых мерапрыемстваў работнікі інспекцыі нагляду і прафілактыкі звярталі ўвагу на наяўнасць і спраўнасць першасных сродкаў пажаратушэння, планаў эвакуацыі, укамплектаванасць пажарных шаф, ці адкрыты эвакуацыйныя выхады, ці працаздольная сігналізацыя, уменне персаналу пісьменна дзейнічаць у надзвычайных сітуацыях.
Жыхарам распавялі аб сітуацыі з пажарамі на тэрыторыі раёна і вобласці, прывялі прыклады здарэнняў, звязаных з парушэннем эксплуатацыі электрапрыбораў. Работнікі МНС настойліва рэкамендавалі не перагружаць электрасетку, нагадалі парадак дзеянняў у выпадку ўзнікнення пажару, адказалі на пытанні грамадзян і падказалі, як засцерагчы сябе і сваіх блізкіх.