- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 48-16-40
- grodno@mchs.gov.by
У Свіслацкім райвыканкаме прайшоў інструктыўны занятак
У Свіслацкім раённым выканаўчым камітэце прайшоў інструктыўны занятак па выкананні патрабаванняў пажарнай бяспекі на працоўных месцах і дзеяннях у выпадку пажару з выкарыстаннем наяўных першасных сродкаў пажаратушэння.
Начальнік Свіслацкага райаддзела МНС Павел Нядзвецкі і яго намеснік Дзяніс Легенчук правялі з работнікамі прафілактычную гутарку аб дзеяннях у выпадку ўзнікнення пажару і аб правілах карыстання вогнетушыцелямі.
- У бягучым годзе толькі на тэрыторыі нашага раёна адбылося 11 пажараў. Таму не варта грэбаваць правіламі бяспекі як у побыце, так і на працы, - звярнуўся да прысутных Павел Анатольевіч.
Не ўпусцілі работнікі МНС і яшчэ адну актуальную тэму - бяспека ў зімовы перыяд.
- З надыходам маразоў вадаёмы пакрываюцца лёдам, які прыносіць як задавальненне ад катання на каньках, так і супакаенне ад зімовай рыбалкі. Аднак не ўсе памятаюць аб мерах бяспекі: адносна бяспечным лічыцца лёд таўшчынёй не менш як 7-10 см. Ён зялёнага або блакітна-зялёнага колеру, - дадаў Дзяніс Аляксандравіч.
Пасля правядзення вучэбнай эвакуацыі, выратавальнікі запрасілі работнікаў райвыканкама на інтэрактыўную пляцоўку, дзе прапанавалі на практыцы прывесці ў дзеянне вогнетушыцель і ліквідаваць узгаранне.