МЧС Беларуси
МЧС Беларуси
Учреждение «Гродненское областное управление МЧС Республики Беларусь»
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Агляд вогненных надзвычайных здарэнняў
У мінулыя суткі ў рэгіёне гарэў легкавы аўтамабіль і гаспадарчыя пабудовы.
20 лютага ў 20-48 выратавальнікам паступіла паведамленне аб загаранні легкавога аўтамабіля “Опель”, які знаходзіўся ў гаражы па вуліцы Неўскага ў Лідзе.
Аб здарэнні паведамілі відавочцы, якія разам з гаспадаром да прыбыцця падраздзяленняў МНС самастойна ліквідавалі ўзгаранне. Выратавальнікі пераканаліся ў немагчымасці аднаўлення гарэння. Агонь паспеў пашкодзіць лакафарбавае пакрыццё багажных дзвярэй, ашалёўку салона і задняе бакавое шкло. Меркаваная прычына здарэння – кароткае замыканне электраправодкі ў аўтамабілі.
21 лютага ў 00-23 ашмянскія выратавальнікі выязджалі на вуліцу Міцкевіча ў раённым цэнтры, дзе на прыватным падворку гарэлі дзве гаспадарчыя пабудовы.
Работнікі МНС ліквідавалі ўзгаранне. Агнём знішчаны дах, пашкоджаны сцены і маёмасць. Прычына пажару высвятляецца.
Калі вы сталі відавочцам якой-небудзь надзвычайнай сітуацыі, раскажыце пра гэта выратавальнікам па нумарах “101” або “112”. Паведаміце дакладнае месца здарэння і апішыце найбольш важныя дэталі. Назавіце дыспетчару ваш нумар тэлефона, каб у выпадку неабходнасці ён змог удакладніць важную інфармацыю. І памятайце, што чым раней вы патэлефануеце, тым больш шанцаў на выратаванне людзей і іх маёмасці.
Будь готов
Другие новости
