МЧС Беларуси
МЧС Беларуси
Учреждение «Гродненское областное управление МЧС Республики Беларусь»
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Зэльва. бяспека грамадзян – агульная задача
Найбольшая колькасць пажараў адбываецца па віне чалавека. Часцей за ўсё надзвычайныя сітуацыі здараюцца ў дамах, дзе пражываюць адзінокія і пажылыя грамадзяне, а таксама асобы, якія злоўжываюць спіртнымі напіткамі.
У Зэльвенскім раёне з пачатку года адбылося ўжо 6 пажараў, а найбольшая колькасць узгаранняў была зарэгістравана ў Князеўскім сельсавеце. На гэты раз выратавальнікі правялі прафілактычную работу з жыхарамі населеных пунктаў гэтага сельскага савета і нагадалі грамадзянам правілы бяспекі.
Людзі як і раней наводзяць парадак на прысядзібных участках, выбіраючы часам не самы бяспечны спосаб і спальваюць сухую траву. Выратавальнікі растлумачылі, як без шкоды для здароўя і навакольнага асяроддзя утылізаваць расліннае смецце і нагадалі правілы развядзення вогнішчаў на падворку.
– Спальваць сухую траву на корані строга забаронена! Калі вы вырашылі спаліць смецце ці сухія галінкі, то рабіце гэта бяспечна. Ачаг узгарання павінен быць акапаны і побач неабходна трымаць вядро з вадой, лапату або аўтамабільны вогнетушыцель, які дапаможа справіцца з некантралюемым гарэннем, – нагадалі прадстаўнікі службы «101».
Не засталіся па-за ўвагай супрацоўнікаў МНС і пытанні бяспекі ў доме. Інспектары МНС парэкамендавалі рэгулярна правяраць спраўнасць электрапрыбораў і перад выхадам з дому выключаць іх з разеткі, а ацяпляльныя прыборы эксплуатаваць у адпаведнасці з інструкцыяй і не забываць ежу, што рыхтуецца на пліце. Каб своечасова зрэагаваць на пажар, выратавальнікі параілі ўстанавіць у кожным жылым пакоі аўтаномны пажарны апавяшчальнік, які зможа ноччу разбудзіць жыхароў і паведаміць аб бядзе.
Будь готов
Другие новости
