МЧС Беларуси
МЧС Беларуси
Учреждение «Гродненское областное управление МЧС Республики Беларусь»
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Навагрудак. Агонь – не забаўка, а смяротная небяспека
Няма нічога даражэй за жыццё! Аднак часцей за ўсё, менавіта чалавечая бяспечнасць прыводзіць да вогненных здарэнняў. Статыстыка пажараў на Навагрудчыне такая: з пачатку года ў раёне адбыўся 21 пажар, загінулі 3 чалавекі. Каб прадухіліць рызыкі ўзнікнення пажараў у жылым сектары і прадухіліць гібель людзей, з 14 па 18 красавіка на Навагрудчыне праходзіла спецыяльнае прафілактычнае мерапрыемства «Дом без пажару».
У рамках правядзення прафілактычных мерапрыемстваў карэспандэнты газеты «Новае жыццё» сумесна з работнікамі МНС, ТЦСАН і Валеўскага сельсавета наведалі домаўладанні жыхароў вёсак Ятра і Заполле.
На асаблівым кантролі не толькі падчас правядзення прафілактычнага мерапрыемства, але і штодня самыя ўразлівыя катэгорыі насельніцтва: адзінокія пенсіянеры, інваліды, шматдзетныя сем’і, а таксама тыя, хто раней парушаў правілы пажарнай бяспекі.
Перш сустрэліся з жыхаркай вёскі Заполле, грамадзянкай, якая ўсур’ёз задумалася аб тым, каб назаўсёды пазбавіцца дрэннай звычкі – курэння.
Як расказала жанчына, 12 красавіка яна наводзіла парадак на падворку.
– Прысела адпачыць, закурыла цыгарэту. Напэўна, не заўважыла, як дзесьці ўпала іскра. Затым пайшла ў дом, вырашыла перакусіць. І тут пачула, як лопаецца шыфер на пабудове, што знаходзілася пад адным дахам з домам. Выбегла на вуліцу, а тут усё гарыць. На дапамогу прыйшлі суседзі, выклікалі выратавальнікаў і мы разам спрабавалі тушыць узгаранне, – расказала Алена Вікенцьеўна. – Нікому не пажадаю такога – застацца без дому, без рэчаў. Усё згарэла. Паспела толькі дакументы схапіць і крыху адзення. Разумею і поўнасцю прызнаю сваю віну. Хутчэй за ўсё ад іскры ці кінутага акурка засталася без жылля.
Неасцярожнае абыходжанне з агнём – адна з найбольш распаўсюджаных прычын пажараў. Толькі ў бягучым годзе на тэрыторыі Гродзенскай вобласці непатушаная цыгарэта стала прычынай 50 узгаранняў, у агні якіх загінулі 14 чалавек.
Правядзенне рэйдаў і абследаванняў – неабходная частка прафілактычнай работы, якую праводзяць работнікі МНС, сельсаветаў, Тэрытарыяльнага цэнтра сацыяльнай абароны насельніцтва. І калі пасля наведвання домаўладанняў, хоць адзін чалавек задумаецца аб сваёй бяспецы і прывядзе ў парадак печ, электраправодку, звярне пільную ўвагу на сваіх дзяцей – гэта ўжо добры вынік.
– Пастаянна тлумачым жыхарам, што патрэбна выконваць правілы бяспекі, каб не стаць ахвярай агню. Ацяпляльны сезон завяршаецца і самы час праверыць, ці ўсё ў парадку з печамі і, пры неабходнасці, прывесці іх у належны стан. Печы павінны быць без расколін і шчылін, а комін – пабелены вапнавым растворам і мець добрую цягу. На кантролі павінн быць і стан электраправодкі ў вашым доме. Нельга курыць у ложку, тым больш у стане алкагольнага ап'янення. Аб небяспецы чалавека заўсды папярэдзіць аўтаномны пажарны апавяшчальнік, які неабходна ўстанавіць у кожным жылым пакоі, – праводзіла інструктаж з жыхарамі вёсак Ятра і Заполле інспектар МНС Наталля Фасцянкова.
На тэрыторыі Валеўскага сельсавета знаходзіцца 27 населеных пунктаў, пражывае 1252 чалавекі.
– Усе суб’екты прафілактыкі, а тым больш я, як старшыня сельвыканкама, зацікаўлены і сумесна працуем дзеля таго, каб не здаралася надзвычайных сітуацый і не дапусціть узгаранняў, трагічных наступстваў. Работнікі сельсавета, упаўнаважаныя населеных пунктаў і выратавальнікі ўручаюць памяткі аб захаванні правіл пажарнай бяспекі, інфарміруем людзей, – паведаміў старшыня Валеўскага сельвыканкама Дзмітрый Піваварчык. – Падчас абследавання ўмоў пражывання грамадзян, просім выконваць правілы бяспекі, не спальваць расліннасць на корані. Разам з тым людзі бяспечна адносяцца да ўсяго: пры спальванні смецця адбываецца ўзгаранне, загараюцца пабудовы і нават дамы. Бяспечнасць мясцовай жыхаркі прывяла да пажару ў мінулую суботу ў в. Заполле.
Падчас агляду жылля жыхароў вёсак Ятра і Заполле сур’ёзных парушэнняў выяўлена не было. Мясцовыя жыхары добрасумленна адносяцца да выканання патрабаванняў пажарнай бяспекі і выконваюць усе меры перасцярогі, таму што разумеюць: няшчасце лепш папярэдзіць.
Па матэрыялах газеты «Новае жыццё»
Будь готов
Другие новости
