МЧС Беларуси
МЧС Беларуси
Учреждение «Гродненское областное управление МЧС Республики Беларусь»
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Ваўкавыск. Нашы ветэраны
17 красавіка – гэта асаблівая дата ў календары для работнікаў і ветэранаў органаў і падраздзяленняў па надзвычайных сітуацыях Беларусі. У гэты дзень адзначаецца Дзень пажарнай службы СССР, які стаў сімвалам адданасці і мужнасці тых, хто прысвяціў сваё жыццё барацьбе з агнём і выратаванню людзей. Па традыцыі, новыя пакаленні выратавальнікаў у гэты дзень ушаноўваюць сваіх настаўнікаў, аддаючы даніну павагі іх працы і вопыту.
У гэты дзень у Ваўкавыскім раённым аддзеле МНС сабраліся ветэраны пажарнай службы раёна, тыя, хто прысвяцілі сваё жыццё пажарнай службе і выратаванню людзей.
З прывітальным словам да заслужаных пажарных звярнуўся начальнік аддзела Алег Затоўка, які выказаў падзяку за іх неацэнны ўклад у абарону Радзімы, за прафесіяналізм і стойкасць, праяўленыя ў самыя цяжкія моманты і ў знак павагі і ўвагі ўручыў кожнаму ў падарунак кнігу «Пажарная служба Беларусі. 170 год. Гісторыя станаўлення і развіцця».
За сяброўскім чаяваннем ветэраны-выратавальнікі падзяліліся ўспамінамі аб гадах службы, поўнымі гераізму і таварыства. Гэты дзень стаў не толькі святам, але і важным напамінам аб тым, што служэнне грамадству патрабуе не толькі прафесіяналізму, але і чалавечай дабрыні, падтрымкі і ўзаемадапамогі.
Будь готов
Другие новости
