МЧС Беларуси
МЧС Беларуси
Учреждение «Гродненское областное управление МЧС Республики Беларусь»
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Смаргонь. 45 хвілін бяспекі
Як правіла, дарослыя маюць значны жыццёвы вопыт, і ведаюць, як трэба паводзіць сябе ў надзвычайных сітуацыях. Дзеці ж, у сілу невялікага жыццёвага досведу, такой інфармацыяй не валодаюць. Менавіта таму навучанне падрастаючага пакалення асновам бяспекі жыццядзейнасці актуальна заўсёды і пачынаць яго трэба з ранняга ўзросту. Работнікі Смаргонскага раённага аддзела па надзвычайных сітуацыях правялі ўрок бяспекі на базе іміджавага пакоя МНС «Спасайка», які знаходзіцца ў раённым цэнтры творчасці дзяцей і моладзі.
Прадстаўнікі службы «101» нагадалі дзецям і дарослым парадак дзеянняў пры ўзнікненні надзвычайнай сітуацыі і нумары тэлефонаў службаў экстранага рэагавання. Удзельнікі сустрэчы вывучылі алгарытм выкліку выратавальнікаў, паспрабавалі эвакуіравацца з задымленага памяшкання. Адмысловы акцэнт быў зроблены на важнасці ўсталёўкі неацэннага памочніка ў хаце – аўтаномнага пажарнага апавяшчальніка. Таксама падчас сустрэчы паўтарылі паслядоўнасць прывядзення ў дзеянне вогнетушыцеля.
Дзеці з цікавасцю ўдзельнічалі ў інтэрактыўных гульнях, конкурсах і віктарынах. Разглядаючы выявы розных надзвычайных сітуацый, хлопчыкі і дзяўчынкі называлі, якія сітуацыі яны лічаць небяспечнымі і як іх можна пазбегнуць.
У канцы мерапрыемства дзеці замацавалі атрыманыя падчас урока бяспекі веды праглядам мультсерыяла «Чароўная кніга». Усе ўдзельнікі сустрэчы атрымалі наглядна-выяўленчую прадукцыю з карыснымі парадамі ад МНС.
Будь готов
Другие новости
