У Гродна падвялі вынікі абласнога этапа рэспубліканскага конкурсу «Школа бяспекі – 2026»

У Гродзенскім дзяржаўным каледжы галіновых тэхналогій прайшоў абласны этап конкурсу-алімпіяды «Школа бяспекі-2026». 57 школьнікаў – пераможцы раённых і гарадскога этапу, прадэманстравалі свае веды і навыкі ў галіне бяспекі жыццядзейнасці.

Дзеці спаборнічалі ў трох узроставых катэгорыях. На першым этапе конкурсу-алімпіяды юныя эрудыты праходзілі тэсціраванне, дзе прадэманстравалі ўзровень ведаў. Па дзевяць лепшых удзельнікаў з кожнай узроставай групы прайшлі ў другі тур, дзе ім трэба было бліснуць аратарскімі здольнасцямі. У фінальным этапе пятнаццаць самых пераканаўчых выступоўцаў адказвалі на пытанні інтэрактыўнай віктарыны, вырашаючы рэбусы і заданні рознай ступені складанасці.

Па выніках усіх іспытаў абласнога конкурсу «Школа бяспекі-2026» пераможцамі і прызёрамі сталі:

У малодшай узроставай катэгорыі 1-4 класы:
1 месца – Лябецкі Арцём, ДУА «Сярэдняя школа №3 г.Скідаля імя Я.М.Шаўчэнкі» (Гродзенскі раён);
2 месца – Майсеенка Арцём, ДУА «Гімназія №1 г.Астравец»;
3 месца – Грынцэвіч Арцём, ДУА «Сярэдняя школа №5 г.Слоніма».

У сярэдняй узроставай катэгорыі 5-8 класы:
1 месца – Бычкоў Арцём, ДУА «Сярэдняя школа №8 г.Ліды»;
2 месца – Каробка Ўладзімір ДУА «Гудагайская сярэдняя школа» (Астравецкі раён);
3 месца – Дашкевіч Мікіта, ДУА «Гімназія №2 ім. І.В.Болдзіна г.Гродна».

У старэйшай узроставай катэгорыі 9-11 класы:
1 месца – Янковіч Сяргей, ДУА «Капцеўская сярэдняя школа» (Гродзенскі раён);
2 месца – Статкевіч Арына, ДУА «Сярэдняя школа №28 імя У.Д.Сакалоўскага г.Гродна»;
3 месца – Завала Аляксандра, ДУА «Першамайская сярэдняя школа» (Лідскі раён).

Намеснік начальніка Гродзенскага абласнога ўпраўлення МНС Аляксандр Ясеў і інструктар па супрацьпажарнай прафілактыцы вытворча-гандлёвага унітарнага прадпрыемства «Гродзенскі абласны камбінат супрацьпажарных работ» рэспубліканскага дзяржаўна-грамадскага аб'яднання «Беларускае добраахвотнае пажарнае таварыства» Дзіна Гедзейка ўручылі прызёрам граматы, медалі і падарункі. Арганізатары падзякавалі ўсім удзельнікам конкурсу, педагогам і бацькам за высокі ўзровень падрыхтоўкі дзяцей і пажадалі ўдачы на рэспубліканскім этапе конкурсу, які пройдзе ў горадзе Мінску з 26 па 28 сакавіка.