Вясновы лёд небяспечны

Вясна ўступае ў свае правы: сонца з кожным днём прыгравае ўсё мацней, і лёд імкліва губляе сваю былую трываласць. Знешне ён яшчэ можа здавацца маналітным, але ўнутры ужо становіцца рыхлы і вельмі ненадзейным. Менавіта ў гэты пераходны перыяд, калі звыклыя шляхі па лёдзе ператвараюцца ў пастку, рызыка правалаў пад лёд узрастае мнагакратна.

Каб папярэдзіць трагедыі і нагадаць грамадзянам аб смяротнай небяспецы, на берагах Зэльвенскага вадасховішча прайшоў сумесны прафілактычны рэйд. У мерапрыемстве прынялі ўдзел работнікі Зэльвенскага раённага аддзела па надзвычайных сітуацыях і прадстаўнікі раённага таварыства выратавання на водах.

Фото 1.jpg

Спецыялісты правялі тлумачальныя гутаркі з аматарамі зімовай рыбалкі і проста адпачывальнікамі. Выратавальнікі расказвалі пра каварства вясновага лёду, тлумачылі, як распазнаць небяспечныя месцы і што рабіць, калі вы ці нехта побач апынуўся ў ледзяной вадзе.

Фото 2.JPG

Усім, каго сустрэлі на вадаёме, уручалі памяткі з правіламі бяспечных паводзін і нумарамі экстраных службаў.

– У сувязі з устанаўленнем плюсавой тэмпературы паветра на тэрыторыі Зэльвенскага раёна пачалося актыўнае разбурэнне лядовага пакрыцця. Лёд становіцца слабым, асабліва каля берага. Улічваючы гэтае выхад на лядовае пакрыццё на тэрыторыі Зэльвенскага раёна забаронены з 4 сакавіка, – адзначыў старшыня раённага таварыства выратаваня на водах. – Мы заклікаем кожнага: не рызыкуйце жыццём дзеля сумніўнага задавальнення ці кароткага шляху.

Фото 3.JPG

Работнікі Мастоўскага раённага аддзела МНС сумесна з прадстаўнікамі АСВОДа наведалі вадаёмы ў межах горада, дзе нагадалі жыхарам правілы бяспечных паводзін на вадаёмах і каля іх.

Фото 4.jpg

У большасці выпадкаў ахвярамі лёду становяцца мужчыны – аматары падлёднай лоўлі або дзеці, пакінутыя без нагляду, якія выходзяць на неакрэплы лёд.

– Калі ўсё ж здарылася бяда і вы апынуліся ў вадзе, то першае і самае галоўнае – не панікуйце! Дыхаеце як мага глыбей і павольней, – вучылі выратавальнькі. – Далей пакладзяце рукі на лёд, працягнуўшы іх як мага далей, і з усіх сіл пхайцеся нагамі, імкнучыся надаць тулаву гарызантальнае становішча. Выбраўшыся на лёд, распластайцеся на ім і паўзіце наперад.

Фото 5.jpg