МЧС Беларуси
МЧС Беларуси
Учреждение «Гродненское областное управление МЧС Республики Беларусь»
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Навагрудак. У раённым аддзеле па надзвычайных сітуацыях прайшоў Адзіны дзень інфармавання
Сёння, інфармацыйна-прапагандысцкая група на чале са старшынёй Навагрудскага райвыканкама Сяргеем Чаркоўскім сустрэлася з калектывам раённага аддзела па надзвычайных сітуацыях. Асноўная тэма сустрэчы – «Памяць у імя будучыні», прымеркаваная да 85-й гадавіны пачатку Вялікай Айчыннай вайны. Удзельнікі абмеркавалі захаванне гістарычнай праўды і недапушчальнасць перагляду вынікаў вайны.
Начальнік аддзела ідэалагічнай працы і па справах моладзі райвыканкама Наталля Жышко нагадала прысутным аб маштабах генацыду беларускага народа ў гады акупацыі. Улетку 1941 года 11 дывізій Чырвонай арміі, апынуўшыся ў асяроддзі пад Навагрудкам, больш за на тыдзень скавалі наступальныя дзеянні 25 нямецкіх дывізій. Усяго да кастрычніка 1941 года было знішчана і патрапіла ў палон каля 4 мільёнаў чырвонаармейцаў. Але нават у тых умовах мясцовыя жыхары хавалі параненых байцоў, выкуплялі іх з палону, аддаючы апошнія ўпрыгожанні, – і ўжо восенню з выратаваных салдат фармаваліся першыя партызанскія атрады.
– У першых чыслах ліпеня 1941 года ў Навагрудак увайшлі нямецкія войскі, і роўна праз тры гады, 8 ліпеня 1944-га, горад быў вызвалены. За гады акупацыі на тэрыторыі нашага раёна спалена 53 вёскі. На воінскіх пахаваннях больш за 32 тысяч чалавек, – падкрэсліла Наталля Жышко. – Згодна з планам «Ост», больш за палову насельніцтва Беларусі павінна было быць знішчана. У Беларусі загінуў кожны трэці жыхар. Толькі ўдумайцеся, за гэтымі лічбамі – пытанне нашага існавання як нацыі.
Старшыня райвыканкама Сяргей Чаркоўскі працягнуў тэму, зрабіўшы акцэнт на сучасных інфармацыйных выкліках. Сяргей Сяргеевіч звярнуў увагу на тое, што ў глабальнай сетцы актыўна распаўсюджваюцца скажоныя звесткі, а алгарытмы штучнага інтэлекту часта фарміруюць карціну свету, выгадную не нам.
– Кантроль над інфармацыяй – гэта зброя, і сёння яна накіравана на падрыў нашага адзінства. Асабліва ўразлівая моладзь, якая ўспрымае гэтыя дадзеныя без крытычнага асэнсавання, – падкрэсліў кіраўнік раёна.
Старшыня Навагрудскага райвыканкама акцэнтаваў увагу на тым, што асновай стабільнасці з'яўляецца эканоміка. Знешнія сілы імкнуцца пераарыентаваць рэсурсы краіны на ваенныя патрэбы, каб аслабіць сацыяльную сферу і выклікаць незадаволенасць грамадзян. Аднак кіраўніцтва краіны выбрала іншы шлях: развіццё рэальнага сектара, падтрымка бюджэтнікаў і захаванне пакупніцкай здольнасці насельніцтва.
– Мы не пойдзем на повадзе ў тых, хто хоча ўцягнуць нас у гонку ўзбраенняў. Наш адказ – эканамічны рост і сацыяльная абарона людзей, – падсумаваў Сяргей Чаркоўскі. – Сёння мы павінны цвяроза ацэньваць пройдзены нашай краінай шлях. За тры дзесяцігоддзі суверэннай Беларусі ўдалося пераадолець разруху і выйсці на дастойны ўзровень жыцця. Важна памятаць, што паспешныя крокі ў бок неабдуманых рэформаў, як гэта адбылося ў некаторых суседзяў, прыводзяць да трагедыі. Мы павінны берагчы тое, што створана працай некалькіх пакаленняў.
Таксама гаварылі аб мерах супрацьдзеяння экстрэмізму і тэрарызму, барацьбе з незаконным абаротам наркотыкаў і прафілактыцы наркаманіі.
Па матэрыялах раённай газеты «Новае жыццё»
Будь готов
Другие новости
