Гродзенскі раён. Формула выдатных канікул: адпачывай ярка, выконвай бяспеку

Летнія канікулы – перыяд, які патрабуе пільнай увагі са стараны дарослых. Як паказвае практыка, менавіта ў гэты час павышаецца рызыка узнікнення здарэнняў, звязаных з дзіцячым свавольствам, а таксама парушэннем правілаў бяспекі на вадзе. Таму выратавальнікі ўдзяляюць асаблівую ўвагу прафілактычнай рабоце зпадрастаючым пакаленнем.

Работнікі Гродзенскага раённага аддзела МНС рэгулярна наведваюць аздараўленчыя лагеры, дзе ў гульнявой і даступнай форме нагадваюць дзецям правілы бяспечных паводзін. Выратавальнікі праводзяць конкурсы, віктарыны, пазнавальныя гутаркі і практычныя заняткі.

На гэты раз прадстаўнікі службы «101» пабывалі ў лагеры «Дружба», дзе арганізавалі для дзятвы тэматычны занятак по бяспецы жыццядзейнасці. Спецыялісты прапаганды МНС расказалі выхаванцам лагера пра найбольш распаўсюджаныя прычыны пажараў, нагадалі нумары экстранных службаў і парадак дзеянняў у выпадку ўзнікнення пажару. Асобную ўвагу ўдзялілі правілам бяспекі на вадаёмах.

Каб замацаваць атрыманыя веды, дзеці ўдзельнічалі ў квэсце бяспекі і адказвалі на пытанні выратавальнікаў. Каманды-пераможцы атрымалі наглядна-выяўленчую прадукцыю з карыснымі парадамі па бяспецы.

Асабліва яркім момантам сустрэчы стала водная заслона. З дапамогай ручнога ствала выратавальнікі зладзілі для дзяцей асвяжальны «душ», які падарыў клжнаму удзельніку мерапрыемства шмат радасці і станоўчых эмоцый.

Такія прафілактычныя сустрэчы дапамагаюць школьнікам лепш запомніць важныя правілы бяспекі і правесці летнія канікулы цікава, актыўна і без здарэнняў.