МЧС Беларуси
МЧС Беларуси
Учреждение «Гродненское областное управление МЧС Республики Беларусь»
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Шчучын. Курс на бяспеку
Аўтакрама для жыхароў аддаленых вёсак – гэта не толькі спосаб абзавесціся патрэбнымі пакупкамі, але і нагода сабрацца разам, пагутарыць, даведацца пра навіны. Менавіта гэтую магчымасць не прапускаюць работнікі Шчучынскага раённага аддзела МНС. Яны далучаюцца да маршруту аўтамагазіна, каб наведаць вяскоўцаў і нагадаць, як абараніць свой дом ад бяды.
У рамках чарговага візіту прадстаўнікі службы «101» адправіліся ў вёскі Трахімчыкі і Галынка Ражанкоўскага сельсавета. Падчас гутарак каля прылаўка аўтамагазіна асаблівая ўвага была ўдзелена падрыхтоўцы да ацяпляльнага сезона. Інспектары заклікалі вяскоўцаў перад пачаткам халадоў праверыць пячное ацяпленне і, калі патрабуецца, прывесці яго ў спраўны стан.
– Многія шчыра вераць, што бяда здарыцца з кім заўгодна, толькі не з імі. На жаль, такая самаўпэўненасць нярэдка абарочваецца сур'ёзнымі наступствамі, – падкрэслілі спецыялісты. – Таму паклапаціцеся аб падрыхтоўцы да ацяпляльнага сезона загадзя: праверце стан печы і комінаў, а ў выпадку неабходнасці зрабіце іх рамонт. Пабел дапаможа своечасова заўважыць расколіны, а своечасовая ачыстка ад сажы зменшыць рызыку ўзгарання.
Не менш важнай стала тэма ўстаноўкі аўтаномных пажарных апавяшчальнікаў. Выратавальнікі ў чарговы раз нагадалі, што ўстаноўка АПА – просты, але вельмі эфектыўны крок, які шматразова павышае шанцы выявіць пажар на ранняй стадыі.
Акрамя гэтага, выратавальнікі нагадалі ўдзельнікам гутаркі алгарытм дзеянняў у выпадку пажару і заклікалі быць вельмі асцярожнымі пры абыходжанні з агнём.
У завяршэнне сустрэчы інспектары МНС уручылі мясцовым жыхарам памяткі з карыснай інфармацыяй.
Будь готов
Другие новости
