МЧС Беларуси
МЧС Беларуси
Учреждение «Гродненское областное управление МЧС Республики Беларусь»
- Адреса и телефоны
- 230005, г. Гродно, пер. Дзержинского, д. 15
- (+375 152) 43-35-53
- (+375 152) 45-37-94
- grodno@mchs.gov.by
Карэлічы. Урокі бяспекі з МНС
З мэтай папярэджання пажараў па прычыне дзіцячага свавольства з агнём і прывіцця падрастаючаму пакаленню навыкаў бяспечнай жыццядзейнасці, выратавальнікі наведваюць установы адукацыі раёна, дзе вучыаць хлапчукоў і дзяўчатак, як пазбегнуць надзвычайных сітуацый.
У рамках гэтай важнай працы інспектар сектара прапаганды Карэліцкага райадзела МНС Кацярына Зуза наведала сярэднюю школу №2 гарадскога пасёлка, а таксама Райцаўскую сярэднюю школу. На сустрэчах прадстаўнік МНС падрабязна расказала дзецям аб тым, да якіх трагічных наступстваў прыводзіць дзіцячае свавольства з агнём, і нагадала аб небяспеках полымя.
– Памятайце, што агонь не даруе бестурботнасці, а звычайны пачак запалак у недзіцячых руках можа абярнуцца вялікай трагедыяй. У любой надзвычайнай сітуацыі самае галоўнае – не паддавацца паніцы, захоўваць спакой і дакладна ведаць, як дзейнічаць, – звярнулася да вучняў Кацярына Зуза.
Падчас інтэрактыўных заняткаў школьнікі змаглі на практыцы патрэніравацца правільна выклікаць службу выратавання па нумарах 101 і 112, а таксама паўтарыць алгарытм паводзін у выпадку ўзнікнення пажару і эвакуацыі з задымленага памяшкання.
Акрамя таго, Кацярына Зуза пазнаёміла хлапчукоў і дзяўчатак з аўтаномным пажарным апавяшчальнікам, падрабязна расказала пра прынцып працы гэтага надзейнага прыбора, здольнага своечасова папярэдзіць аб бядзе і выратаваць жыцці.
Напрыканцы ўрокаў бяспекі ўсе вучні атрымалі ад выратавальнікаў карысную наглядна-выяўленчую прадукцыю, якая дапаможа ім замацаваць атрыманыя веды і зрабіць новы навучальны год максімальна бяспечным.
Будь готов
Другие новости
